PASAIHPHA.NET

Eima hmialiata MLA Election avaw y awpa apachhuapanohnapa cha siekhei ngahai lymapa chata, Siaha DC thiepa Puhpa.Rodney Lalrinawma hmalana ry liata thatlo kawpata siekheipa a cha ngahai hra. He nona heta Marapa rah liata Political Party hro hropazy chhaota Campaign lyma pata Siaha ziza chhao asah kawba hra. Vaih to nata Suto liata MLA Candidate nazy ta Poster nata Banner,Flag zy atawh pasua eita, Siaha Khipi alohawna su maicha Poster,Banner,Flag ta abie khai thla ha. Henona heta Vaih nano nano nanopa liata Party hro hropazy ta Public Meeting ama hnei ngathla ha tyh. Atanohla liana khata Puhpa.S.Hiato (Congress) chhaota a Campaign Office Siaha Bazar,Taxi Stand kiah liata apahy haw hra.

Date 25/11/08 pa liana khieta  Prime Minister Dr. Manmohan Singh cha  Siaha a kawtlo aw.PM he Mawrah MLA atlyhna avaw y awpa liata Congress Party Campaign khei awpata akhy awpa a cha.

HINDI TEACHERS SELECTED & PANEL ZY CHATA MADC HMOTAO DAH ADOVEI AMA TAH.

Zahnia kha Siaha District Hindi Teachers Selected zy nahta Panel List zy ta, Siaha liata biethie lapakhytupazy chhaota thopi dopahmaona hneikhei eita, he liata ama hmo pachiapa cha, eima hnola liata Hindi Teachers Post Siaha District zyta eima hnei hrapa liata Written Text nah nahta Personal Interview zy chhao taita hneikhai tawta Result Mawra tawta papua pa acha ha tawta, District Council hyutuzy ta, keimo eima khona hawta a cha leipa vata heOrder he Cancel pa chasala tah hei eita, he chocha liata Mawra sawkha ta, District Council siepahliepa ta tao awpa ta ma kaw chho nota, District Council heta tao awpa angah tlo leipa ta, chadei chhao chaleipa ta, Interview pazy ta Duplicate Document ama pahno thlapa nah ta Chi hropa Via zy ama Exam nota, la tla awh mahpi tah tlo eita, Viapa a tlona chhapa chhao amo eima District Council liata eima hyutupazy ta ama reikhei vata tlopa a cha ziezy reipa ta, chadei chhao chaleipa ta, Exam Result he MADC hyutuzy ta, Order a pua hmeisei hlata ei 3 (eitho) tlaita panano hmapa a chaziezy chhao ama reipapua hei hra.He hawta ama tao lyma patah a cha khiata cha, eima zawhpi ama mohnao pa nahta he rah zawpi tlybaipa hawta rei eita. Frets ta District Council Notification Hindi Teachers la awpa ta ama taw heipa ta acha khiata cha, keimo Selected & Panel zy pita eima theina hawta Case chhao eima File aw. Tahpa ta, biethie lapakhytu pazy liata ama rei.
Cancel Order chhao he tahma taita hmo awpa y leipa ta Verbal ngala ta Cancel pa chata, chavata he chocha liata a byuna hawta hmala lyma awpa a chhua pita, MLA Election zy vata hma eima lah khaoleipa chhao a cha. Election khai tawta hmalana pazao lyma awpa eima chhua, “ ama tah.”

Atako 2008 pa he  Russian Federatio nata India sawkhazy ta ‘Year of Russia in India’ aphuahpa hawta India rah liata achu haipazy Russsian University liata ama chu theina awpata lapi taopa chata.He he apachaihpata achuhaipa khisana rairu viapazy chata world-class education ama hnei theina awpa vata a cha. He Russia rah liata achu awpata atlyhpazy he mawra sawkha siepahliepata a cha. Russia rah liata i doctor/engineerachu awpata ama tlyhpa chyhsa 9 hry liana heta Marahpa saw 2 ama hlao hra. Chanazy cha :-

1.  Alicia Chinzah d/o Suihmunga, Siaha College Vaih.

2. Beikristakypacha Hlychho s/o Soraya Hlychho, Tuikhuahtlang zy ama cha.

He hawta Marapasaw achuna sahpa achu awpata Russia la sie awpata ama tlyhpazy he PASAIHPHA team zypita paloru hmeiseihpazta eima ly khei. Ama Pano chana heta hlaotlohna ama hmo theina awpata Thlahchha khei chyu eisu u….

Marapa Zawpi nata Siha zawpizy khokheinapa vata Siaha bia liata MLA eivaw cha khiata cha hezy he eitao tuachai aw:-

1.  Thyutliapazy palaona su, Sao nota chiatlao sai!Nopinohta meichadosai ta abiepa he Siaha Khipi saw zy nietluana ipa eima hnei theina awpata LEIPALIE lata eitao aw. achho liata Naw po 100 nata Viachao 50 eisoh aw. Chatita cha Marapasaw zy nata siaha zawpizy heta nietluana ipa eima vaw hnei ha aw…Lolzzzzzzzzzz!!!

2. Eima District Council hneichhopa MADC liata ahriapa, ama qualification ta apha hlei leipa nazy nata Eima Officer nazy he Retreat eihnei khei tyh aw…Lolzzzz

3. Eima MADC Building he Shopping Centre lata tao awpata abyuhna dah hawta hma eila aw…Lolzzz.

4. Siaha Khipi liata Non Tribal sodaohpa aypazy nata apahrapa zydua he Mara rah thotlah la Motor angia theina awpata ama tha nata zo, ama soh nata Taka zy eipa hmasa aw…Lolzzz

Pazo heipa  acha aw… Lolzzz

Atanoh Siaha khipi alona la cha celsius degree 27.8 cha ta, achakua chainota  degree 16.2 a ni.Atanoh he ava eikha hmata suah vei.

Eima hmiata liata Mawrah  6th MLA atlyhna avaw y awpa liana chata Mawrah pohpalohpa liata Candidate 206 ama y. Independent 38 tlai ama y hra. Saturday noh kha MLA apie awpanazy a withrdaw daihti cha ta, he liana heta chyhsa 2 hno amasy.

Marapa rah liata Playground eima hneipha chaipa he vawmoh hra tua… MLA Election chy chata Candidate nazy ta ama rei hlu chaipa a cha… MLA ama vawtloh tita ama uasa sulua hei aw tlyma???

Atanoh Tari 17.11.08 My dawh 7:00AM pa rachho liana khata Puhpa  Joseph Lalrammawia, Romei Editor a cha ngahaipa cha apaha haw. Ari he apahrana Vaih Sihphir Vengthar liata pabupa a cha.( Source : Buannel.com)

Read More